«Райо Вальекано» Беньят Сан-Хосе Хильнинг асосий жамоа бош мураббийи этиб тайинланганини расман эълон қилди.
Беньят — бир қанча мамлакатларда фаолият юритган тажрибали мутахассис. У мураббийлик фаолиятини «Реал Сосьедад»нинг ёшлар жамоасида бошлаган, шундан сўнг Саудия Арабистони, Чили, Боливия, БАА, Бельгия ва Мексикада ишлаган.
Унинг асосий ютуқлари қаторида «Универсидад Католика» клуби билан Чили чемпионлиги (2018), Боливиянинг «Боливар» жамоаси билан бир нечта совринлар ва Либертадорес кубогининг чорак финалига чиқиш бор.
Беньят Сан-Хосе 2025 йилнинг февраль ойидан буён «Эйбар»ни бошқариб келаётган эди ва жамоа билан 60 та ўйин ўтказди.
Якунланган мавсумда «Райо Вальекано» Ла Лигада саккизинчи ўринни эгаллади ва Конференциялар лигаси финалига қадар етиб борди. Жамоанинг аввалги устози Иньиго Перес ўз хоҳишига кўра клубни тарк этган эди.













