SSKA klubining sobiq futbolchisi Dmitriy Xomuxa O‘zbekiston terma jamoasi jahon chempionatida guruhdan chiqish uchun kurasha olishi haqida fikr bildirdi.
"O‘zbekistonning pley-offga chiqish imkoniyatlari saqlanib qolmoqda. To‘rt ochko keyingi bosqichga yo‘llanmani kafolatlaydi. Bunday variantni istisno qilmaslik kerak", — deya Xomuxaning so‘zlarini keltiradi "Sovetskiy sport" nashri.
Ekspert, shuningdek, O‘zbekiston navbatdagi uchrashuvda kecha Kongo DR terma jamoasini mag‘lub eta olmagan (1:1) Portugaliya bilan bemalol durang o‘ynashi mumkinligini ham istisno etmadi.
Eslatib o‘tamiz, O‘zbekiston milliy terma jamoasi mundialdagi ishtirokini Kolumbiyaga qarshi o‘yin bilan boshladi va unda 1:3 hisobida mag‘lubiyatga uchradi.
