ЦСКА клубининг собиқ футболчиси Дмитрий Хомуха Ўзбекистон терма жамоаси жаҳон чемпионатида гуруҳдан чиқиш учун кураша олиши ҳақида фикр билдирди.
"Ўзбекистоннинг плей-оффга чиқиш имкониятлари сақланиб қолмоқда. Тўрт очко кейинги босқичга йўлланмани кафолатлайди. Бундай вариантни истисно қилмаслик керак", — дея Хомуханинг сўзларини келтиради "Советский спорт" нашри.
Эксперт, шунингдек, Ўзбекистон навбатдаги учрашувда кеча Конго ДР терма жамоасини мағлуб эта олмаган (1:1) Португалия билан бемалол дуранг ўйнаши мумкинлигини ҳам истисно этмади.
Эслатиб ўтамиз, Ўзбекистон миллий терма жамоаси мундиалдаги иштирокини Колумбияга қарши ўйин билан бошлади ва унда 1:3 ҳисобида мағлубиятга учради.
