Futbol bo‘yicha milliy terma jamoamizni qo‘llab-quvvatlash uchun Meksikaga tashrif buyurgan O‘zbekiston rasmiylari «Asteka» stadionida FIFA prezidenti Janni Infantino bilan uchrashishdi.
Samimiy suhbat davomida janob Infantino terma jamoamizni jahon chempionatidagi tarixiy debyut bilan tabriklab, keyingi uchrashuvlarda omad tiladi.
O‘z navbatida, Sport vazirligi, Milliy olimpiya va paralimpiya qo‘mitalari hamda O‘zbekiston futbol assosiasiyasi rahbariyati FIFA rahbariga minnatdorlik bildirib, Kolumbiyaga qarshi bahs milliy futbolimiz taraqqiyoti uchun muhim ahamiyat kasb etishini ta’kidladi.
Shuningdek, rasmiylar Kolumbiya futbol federasiyasi prezidenti, FIFA kengashi a’zosi Ramon Xesurunni qo‘lga kiritilgan g‘alaba bilan tabriklab, unga esdalik sovg‘asini topshirishdi.













