Londonning «Kristal Pelas» klubi rahbariyati yarim himoyachi Adam Uortonni jamoada saqlab qolishni afzal ko‘rmoqda. Bu ma’lumot bilan jurnalist Mett Vusnam bo‘lishdi.
Manbaning xabariga ko‘ra, «burgutlar» 22 yoshli xavbekni faqatgina juda katta summa evaziga sotishga rozi bo‘lishadi. Klub bu borada yaqin orada «Manchester Siti»ga o‘tishi kutilayotgan «Nottingem Forest» yarim himoyachisi Elliot Andersonning transferiga mo‘ljal olishni rejalashtirmoqda.
Uortonning sotilishi «Kristal Pelas»ga keyingi davr uchun tarkibni yangilash imkonini bersa-da, klub baribir o‘z yulduzini kamida yana bir yil saqlab qolishni afzal ko‘rmoqda.
2025/26 yilgi mavsumda Uorton barcha musobaqalarda 53 ta o‘yinda maydonga tushib, bitta gol urdi va yettita golli uzatmaga mualliflik qildi.
