Лондоннинг «Кристал Пэлас» клуби раҳбарияти ярим ҳимоячи Адам Уортонни жамоада сақлаб қолишни афзал кўрмоқда. Бу маълумот билан журналист Мэтт Вуснам бўлишди.

Манбанинг хабарига кўра, «бургутлар» 22 ёшли хавбекни фақатгина жуда катта сумма эвазига сотишга рози бўлишади. Клуб бу борада яқин орада «Манчестер Сити»га ўтиши кутилаётган «Ноттингем Форест» ярим ҳимоячиси Эллиот Андерсоннинг трансферига мўлжал олишни режалаштирмоқда.

Уортоннинг сотилиши «Кристал Пэлас»га кейинги давр учун таркибни янгилаш имконини берса-да, клуб барибир ўз юлдузини камида яна бир йил сақлаб қолишни афзал кўрмоқда.

2025/26 йилги мавсумда Уортон барча мусобақаларда 53 та ўйинда майдонга тушиб, битта гол урди ва еттита голли узатмага муаллифлик қилди.