Marokash terma jamoasi hujumkor yarim himoyachisi Braim Dias jahon chempionatida noyob natija qayd etdi.

Madridning «Real» klubi futbolchisi Shotlandiya terma jamoasiga qarshi o‘yinda Ismael Saybariga golli uzatma yetkazib berdi. Opta ma’lumotlariga ko‘ra, Dias mundiallardagi faoliyatining dastlabki ikkita o‘yinida golli pas bergan afrikalik terma jamoalar tarixidagi ilk futbolchiga aylandi.

Eslatib o‘tamiz, guruh bosqichining birinchi turida Braim aynan Saybarining goliga assistentlik qilgan edi — o‘shanda marokashliklar Braziliya bilan durang o‘ynashgandi (1:1).