Braziliya terma jamoasi vingeri Vinisius Junior JCH-2026 2-turida Gaiti terma jamoasi ustidan qozonilgan g‘alabadan (3:0) keyin o‘z fikrlarini bildirdi.

«Jamoadagi har bir inson uchun juda muhim payt. Bu g‘alaba keyingi o‘yin oldidan bizga ishonch va xotirjamlik bag‘ishlaydi. Bu juda muhim.

Gollar urish va golli uzatmalar amalga oshirish imkoniyati menga terma jamoada o‘zim xohlagan darajaga erishishimga yordam beradi. Hali ko‘p narsalarni yaxshilash kerak, ammo mana shu ikkita o‘yin bizga o‘z kuchimizga bo‘lgan ishonchni taqdim etdi.

Terma jamoa uchun bundan ham ko‘proq narsa qilishni istayman, nafaqat gollar bilan, balki ushbu uchrashuvda bajargan mehnatim bilan ham yordam berishni xohlayman.

Jamoa uchun qanchalik muhim ekanligimni bilaman va agar yaxshi sport formasida bo‘lsam, terma jamoa o‘yiniga katta hissa qo‘sha olaman.

Biz bu yerga xalqimiz va oilalarimizga quvonch ulashish uchun kelganmiz. Bu o‘yin o‘shalardan biri bo‘ldi, biz doimo jahon chempionatida o‘ynashni orzu qilganmiz.

Biz doimo jahon chempionatida gol urishni va xalqimizni biz bilan faxrlanishga majbur qilishni orzu qilardik», – dedi Vinisius.