Braziliya terma jamoasi vingeri Vinisius Junior JCH-2026 2-turi doirasidagi Gaitiga qarshi o‘yinning (3:0) eng yaxshi futbolchisi deb e’tirof etildi.
«Real» sharafini himoya qiluvchi futbolchi ushbu bahsda bitta gol urdi va bitta golli uzatmani amalga oshirdi. Vinisius, shuningdek, Mateus Kunyaning birinchi golida ham faol ishtirok etdi, biroq ushbu vaziyatda uning hisobiga golli pas yozilmadi.
Hujumchi raqib darvozasiga jami 3 ta zarba yo‘lladi, raqib jarima maydonchasi ichida to‘pga 9 marta tegindi, shuningdek, 21 ta uzatmadan 16 tasini aniq bajardi (76%).













