Spor Arena nashrining sobiq jurnalisti Muhammad Duman JCH-2026dagi muvaffaqiyatsizlikdan so‘ng italiyalik mutaxassis Vinchenso Montellaning Turkiya terma jamoasi bosh murabbiyi lavozimidagi keyingi taqdiri haqida o‘z fikrini bildirdi.
«Mening fikrimcha, Montella iste’foga chiqadi. Jamoada xaos (tartibsizlik) muhiti yuzaga kelgan. Turkiyada hamma Montellani tanqid qilmoqda. Federasiya Jahon chempionatidan so‘ng ushbu masala bo‘yicha yig‘ilish o‘tkazib, tegishli qaror qabul qilishini kutyapmiz», — deya jurnalistning so‘zlarini keltirmoqda «Chempionat» nashri.
Eslatib o‘tamiz, Turkiya terma jamoasi Jahon chempionatining pley-off bosqichiga chiqish imkoniyatidan muddatidan oldin mahrum bo‘ldi. Montella shogirdlari guruh bosqichida Avstraliya (0:2) va Paragvay (0:1) terma jamoalaridan mag‘lubiyatga uchrashdi.













