Spor Arena нашрининг собиқ журналисти Муҳаммад Думан ЖЧ-2026даги муваффақиятсизликдан сўнг италиялик мутахассис Винченцо Монтелланинг Туркия терма жамоаси бош мураббийи лавозимидаги кейинги тақдири ҳақида ўз фикрини билдирди.

«Менинг фикримча, Монтелла истеъфога чиқади. Жамоада хаос (тартибсизлик) муҳити юзага келган. Туркияда ҳамма Монтеллани танқид қилмоқда. Федерация Жаҳон чемпионатидан сўнг ушбу масала бўйича йиғилиш ўтказиб, тегишли қарор қабул қилишини кутяпмиз», — дея журналистнинг сўзларини келтирмоқда «Чемпионат» нашри.

Эслатиб ўтамиз, Туркия терма жамоаси Жаҳон чемпионатининг плей-офф босқичига чиқиш имкониятидан муддатидан олдин маҳрум бўлди. Монтелла шогирдлари гуруҳ босқичида Австралия (0:2) ва Парагвай (0:1) терма жамоаларидан мағлубиятга учрашди.