Madridning «Atletiko» klubi argentinalik himoyachisi Nauel Molina yozgi transfer oynasida klubini o‘zgartirishi mumkin. Bu haqda taniqli insayder Nikolo Skira xabar tarqatdi.

Manba bergan ma’lumotlarga ko‘ra, so‘nggi kunlarda 28 yoshli futbolchi Italiya A Seriya klublaridan bir nechta taklif olgan. Qayd etish lozimki, Molina avval ham Italiyada to‘p surgan: u 2020 yildan 2022 yilgacha «Udineze» sharafini himoya qilgan va aynan o‘sha yerdan «Atletiko»ga ko‘chib o‘tgan edi.

Yakunlangan klub mavsumida Molina barcha musobaqalarda jami 46 ta uchrashuvda maydonga tushib, 2 ta gol urdi va 4 ta golli uzatmani o‘z hisobiga yozdirib qo‘ydi.