«Komo» klubining argentinalik yarim himoyachisi Nikolas Pas Milanning «Inter» klubi e’tiboriga tushdi.

Bundan oldin Madridning «Real» klubi Pasni keyinchalik Angliyaga qimmatroq sotib yuborish maqsadida ortga qaytarmoqchi ekanligi haqida xabarlar tarqalgan edi.

Corriere dello Sport nashrining ma’lum qilishicha, agar yarim himoyachi haqiqatan ham «Real»ga qaytadigan bo‘lsa, «Inter» darhol Madrid klubiga taklif bilan chiqadi. Biroq Italiya grandida bunday yirik transferni amalga oshirish uchun yetarli mablag‘ yo‘q. Shu sababli «neradzurri» Pasni yaxshigina mablag‘ evaziga ijaraga olishni va shartnomaga keyinchalik pulini bo‘lib-bo‘lib to‘lash sharti bilan majburiy sotib olish bandini kiritishni rejalashtirmoqda.

Yakunlangan mavsumda 21 yoshli Pas «Komo» safida 40 ta o‘yinda maydonga tushib, 13 ta gol urdi va 8 ta golli uzatmani amalga oshirdi.