Dortmundning «Borussiya» klubi yarim himoyachisi, germaniyalik Feliks Nmecha «Liverpul»ning transfer ro‘yxatidan joy oldi. Bu haqda taniqli jurnalist Grem Beyli xabar bermoqda.

Manbaning ma’lum qilishicha, mersisaydliklar 25 yoshli futbolchini o‘z safiga qo‘shib olish uchun kechayotgan kurashga faol kirishgan. Qayd etilishicha, «asalarilar» Nmechuni 120 million yevrodan kam bo‘lmagan mablag‘ evaziga qo‘yib yuborishga tayyor.

Shuningdek, iqtidorli yarim himoyachiga «Real Madrid», «Manchester Siti», «Chelsi» va «Manchester Yunayted» kabi Yevropaning boshqa grand klublari ham jiddiy qiziqish bildirmoqda.

Yakunlangan klub mavsumida Nmecha barcha musobaqalarda jami 42 ta o‘yinda maydonga tushib, 5 ta gol urdi va 3 ta golli uzatmani o‘z hisobiga yozdirib qo‘ydi.

Transfermarkt portali mutaxassislari ayni paytda nemis xavbekining bozor qiymatini 50 million yevroga baholashmoqda.