Yaponiya terma jamoasi ustozi Hajime Moriyasu Jahon chempionati — 2026 guruh bosqichi doirasida Tunis terma jamoasiga qarshi kechgan bahsdan so‘ng o‘z fikrlari bilan o‘rtoqlashdi.
«Biz uchrashuvga juda yaxshi tayyorgarlik ko‘rgan edik va maydonda tajovuzkor harakat qildik. To‘g‘ri tuzilgan o‘yin rejasi tufayli jamoamiz o‘z salohiyatini to‘liq namoyish eta oldi. Stadionda bizni qo‘llab-quvvatlagan muxlislarimiz juda ko‘p edi, ularning daldasi bizga katta yordam berdi. Bu biz uchun ulkan dalda bo‘ldi», — deya bosh murabbiyning so‘zlarini keltiradi FIFA matbuot xizmati.
Eslatib o‘tamiz, Yaponiya terma jamoasi Tunis ustidan 4:0 hisobida yirik g‘alabaga erishdi.
«Samuraylar» ikki o‘yindan so‘ng to‘rt ochko jamg‘arib, o‘z guruhlarida ikkinchi o‘rinni egallab turishibdi. Uchinchi tur doirasida Yaponiya Shvesiya terma jamoasiga qarshi maydonga tushadi.
