Braziliya terma jamoasi vingeri Rafinyaning tibbiy ko‘rikdan o‘tishi uning son orqa mushagidan jarohat olganini tasdiqladi.

Futbolchi JCH-2026 guruh bosqichi 2-turidan o‘rin olgan Gaitiga qarshi uchrashuvda (3:0) jarohat orttirib olgan edi.

«Shanba kuni Rafinya tibbiy ko‘rikdan o‘tdi va unda o‘ng son orqa mushagi shikastlangani tasdiqlandi. Futbolchi imkon qadar qisqa muddatda sog‘ayib, mashg‘ulotlar va o‘yinlarga qaytishi uchun Braziliya konfederasiyasi tibbiy shtabi nazorati ostida intensiv davolanish kursini o‘taydi», — deyiladi Braziliya futbol konfederasiyasi bayonotida.

Globo nashri tarqatgan ma’lumotlarga ko‘ra, tekshiruvlar jiddiy hech narsani aniqlamagan, biroq yaqin kunlarda shifokorlar uning sonidagi holatni diqqat bilan kuzatib borishadi. Ayni damda jarohat joyidagi shish tufayli aniqroq tashxis qo‘yish biroz qiyin bo‘lmoqda.

Braziliya terma jamoasi «Barselona» a’zosi ikki haftadan so‘ng start oladigan 1/8 final bosqichi uchrashuvlariga qadar safga qayta olishiga umid qilmoqda.