Angliyaning «Liverpul» klubi yaqin vaqt ichida «RB Leypsig»ga 19 yoshli vinger Yan Diomande transferi bo‘yicha yangi taklif yuborishni rejalashtirmoqda. Bu haqda nufuzli insayder Fabrisio Romano xabar berdi.
Avvalroq, Germaniya klubi Diomandeni «Liverpul»ga 100 million yevroga sotishdan bosh tortgani ma’lum bo‘lgan edi. «RB Leypsig» Diomandening yana bir mavsum jamoada qolishini talab qilmoqda, biroq futbolchining o‘zi hoziroq ketmoqchi.
Yakunlangan mavsumda ivuarlik porlayotgan yulduz «RB Leypsig» tarkibida 36 ta o‘yinda maydonga tushdi. Ushbu vaqt ichida hujumchi 13 ta gol urdi va o‘z hisobiga 10 ta golli uzatmani yozdirib qo‘ydi.
