Англиянинг «Ливерпуль» клуби яқин вақт ичида «РБ Лейпциг»га 19 ёшли вингер Ян Диоманде трансфери бўйича янги таклиф юборишни режалаштирмоқда. Бу ҳақда нуфузли инсайдер Фабрицио Романо хабар берди.
Аввалроқ, Германия клуби Диомандени «Ливерпуль»га 100 миллион еврога сотишдан бош тортгани маълум бўлган эди. «РБ Лейпциг» Диоманденинг яна бир мавсум жамоада қолишини талаб қилмоқда, бироқ футболчининг ўзи ҳозироқ кетмоқчи.
Якунланган мавсумда ивуарлик порлаётган юлдуз «РБ Лейпциг» таркибида 36 та ўйинда майдонга тушди. Ушбу вақт ичида ҳужумчи 13 та гол урди ва ўз ҳисобига 10 та голли узатмани ёздириб қўйди.
