«Bavariya» va Fransiya terma jamoasi vingeri Maykl Olise futbol vizual jihatdan jozibali bo‘lishi kerakligini va himoyadagi o‘yin ham chiroyli bo‘lishi mumkinligini ta’kidladi.
«Menimcha, futbol san’at darajasiga ko‘tarilishi mumkin. Biroq men o‘zimni shunchaki kreativ o‘yinchi deb bilaman, o‘zimni san’atkor deb hisoblamayman. Lekin, albatta, futbolning chiroyli bo‘lishini istayman: muxlislar uchun, televizor qarshisida vaqtini maroqli o‘tkazishni istaganlar uchun. Futbol — buyuk sport turi, u vizual jihatdan jozibali bo‘lishi shart.
To‘pni olib qo‘yish ham hayratlanarli, silliq harakat bo‘lishi mumkin. Agar unda o‘ziga xos ravonlik bo‘lsa, buni chiroyli emas deyishga biz kimmiz?
Men shunchaki hujumchilarni hujum ustalari, himoyachilarni esa himoya ustalari deb bilaman. Va himoyadagi go‘zal o‘yinni kuzatish ham ajoyib bo‘lishi mumkin», — deb hisoblaydi Olise.
