Misr terma jamoasi sardori Muhammad Saloh Yangi Zelandiyaga qarshi kechgan va 3:1 hisobidagi g‘alaba bilan yakunlangan uchrashuvdan so‘ng FIFA mukofotiga sazovor bo‘ldi.
34 yoshli hujumchi 67-daqiqada g‘alaba golini kiritdi, uchrashuv oxirida esa Trezegega golli pas berdi. Yakunda «Liverpul»ning sobiq yulduzi uchrashuvning eng yaxshi o‘yinchisi sovrinini qo‘lga kiritdi. Saloh nafaqat ikkita golda bevosita ishtirok etdi, balki darvozaga eng ko‘p zarba berdi (besh marta) va zarbaga olib keluvchi uzatmalar soni bo‘yicha ham peshqadam bo‘ldi (shuningdek, beshta).
Misr terma jamoasi ikki turdan so‘ng to‘rt ochko bilan G guruhi turnir jadvalida yetakchilik qilmoqda, ular har birida ikki ochkodan bo‘lgan Eron va Belgiyani ortda qoldirmoqda. Yangi Zelandiya bir ochko bilan guruhni yakunlab turibdi.
