2026 yilgi jahon chempionati guruh bosqichi ikkinchi turida Avstriya terma jamoasi amaldagi chempion — Argentina bilan to‘qnash keladi. Yevropaliklar ustozi Ralf Rangnik bo‘lajak bahs haqida o‘z fikrlarini bildirdi.
«Agar kimdir ko‘p pul ishlab olmoqchi bo‘lsa, g‘alabamizga tikishi mumkin. Garchi durang natija ham kutilmagan sovg‘a bo‘lsa-da. Ammo g‘alaba qozonishimiz ham haqiqatga yaqin deb hisoblayman. Argentina safida tarixdagi eng yaxshi futbolchi — Leo Messi o‘ynaydi. Ularning har bir pozisiyasida juda kuchli ijrochilar bor», — deya mutaxassisning so‘zlarini keltiradi Sport1.
Argentinaning Avstriyaga qarshi uchrashuvi bugun, 22 iyun kuni bo‘lib o‘tadi, o‘yin boshlanishi Toshkent vaqti bilan soat 22:00ga rejalashtirilgan.
