2026 йилги жаҳон чемпионати гуруҳ босқичи иккинчи турида Австрия терма жамоаси амалдаги чемпион — Аргентина билан тўқнаш келади. Европаликлар устози Ральф Рангник бўлажак баҳс ҳақида ўз фикрларини билдирди.
«Агар кимдир кўп пул ишлаб олмоқчи бўлса, ғалабамизга тикиши мумкин. Гарчи дуранг натижа ҳам кутилмаган совға бўлса-да. Аммо ғалаба қозонишимиз ҳам ҳақиқатга яқин деб ҳисоблайман. Аргентина сафида тарихдаги энг яхши футболчи — Лео Месси ўйнайди. Уларнинг ҳар бир позициясида жуда кучли ижрочилар бор», — дея мутахассиснинг сўзларини келтиради Sport1.
Аргентинанинг Австрияга қарши учрашуви бугун, 22 июнь куни бўлиб ўтади, ўйин бошланиши Тошкент вақти билан соат 22:00га режалаштирилган.
