Italiyaning «Bolonya» klubi yangi bosh murabbiyi Domeniko Tedesko kamida keyingi mavsum davomida o‘zi bilan birga faoliyat olib boradigan yordamchilari — murabbiylar shtabini tanishtirdi.
Shunday qilib, Andrea Tarossi Tedeskoning birinchi yordamchisi etib tayinlandi. Umberto Tedesko esa texnik xodim lavozimini egalladi. Vladimir Chepjanovich va Maks Urvantski ham xuddi shunday maqomda ish boshlashadi.
Leonardo Shirpoli «Bolonya»ning bo‘lajak raqiblari o‘yinini tahlil qilish bilan shug‘ullanadi, Andrea Sentimenti esa darvozabonlarni shug‘ullantiradi. Nikolo Prandelli va Paolo Alyello futbolchilarning jismoniy tayyorgarligiga mas’ul etib belgilandi. Alfonso Lobashio hamda Marko Onnivello esa uchrashuvlarni tahlil qilib, bosh murabbiyga tegishli hisobotlarni taqdim etib borishadi.
