Италиянинг «Болонья» клуби янги бош мураббийи Доменико Тедеско камида кейинги мавсум давомида ўзи билан бирга фаолият олиб борадиган ёрдамчилари — мураббийлар штабини таништирди.
Шундай қилиб, Андреа Тароцци Тедесконинг биринчи ёрдамчиси этиб тайинланди. Умберто Тедеско эса техник ходим лавозимини эгаллади. Владимир Чепжанович ва Макс Урвантски ҳам худди шундай мақомда иш бошлашади.
Леонардо Ширполи «Болонья»нинг бўлажак рақиблари ўйинини таҳлил қилиш билан шуғулланади, Андреа Сентименти эса дарвозабонларни шуғуллантиради. Николо Пранделли ва Паоло Альелло футболчиларнинг жисмоний тайёргарлигига масъул этиб белгиланди. Альфонсо Лобашио ҳамда Марко Оннивелло эса учрашувларни таҳлил қилиб, бош мураббийга тегишли ҳисоботларни тақдим этиб боришади.
