«Manchester Yunayted» shu yozda Manuel Ugarteni sotish uchun jiddiy moliyaviy yo‘qotishlarga rozi bo‘lishga tayyor, deb yozmoqda «Sun Sport».
Urugvaylik yarim himoyachi 2024 yilda PSJdan «MYU»ga 42,3 million funt sterling evaziga o‘tgan edi. 25 yoshli futbolchi 2025/26 yilgi mavsumda barcha musobaqalarda bor-yo‘g‘i 10 bor asosiy tarkibda maydonga tushdi.
Xavbek ayni paytda Urugvay terma jamoasi ixtiyorida – jahon chempionatida ishtirok etmoqda. Foyda va barqarorlik qoidalariga (PSR) muvofiq zararga kirmaslik uchun «Manchester Yunayted» ushbu transferdan 25,38 million funt sterling olishi kerak.
Klubdagi ko‘pchilikning fikriga ko‘ra, Ugarteni sotishdagi eng katta to‘siq uning haftasiga 120 000 funt sterlingni tashkil etuvchi maoshi bo‘ladi.
