Huquqlari Turinning «Yuventus» klubiga tegishli bo‘lgan serbiyalik markaziy hujumchi Dushan Vlaxovich jamoani erkin agent maqomida tark etishi mumkin. Tomonlar o‘rtasidagi shartnoma iyun oyining oxirida o‘z nihoyasiga yetadi.
«La Gazzetta dello Sport» nashrining ma’lumotlariga ko‘ra, hujumchi Turkiya Superligasiga yo‘l olishi mumkin, u yerda uning xizmatlariga Istanbulning «Beshiktosh» klubi qiziqish bildirmoqda. Turk klubi rahbariyati futbolchiga yiliga besh million yevro maosh ko‘zda tutilgan mehnat shartnomasini taklif qilishga tayyor.
Turinliklar tarkibida Vlaxovich 168 ta uchrashuvda maydonga tushgan. Hujumchi o‘z hisobiga 68 ta gol va 16 ta golli uzatmani yozdirib qo‘ygan.
