Ҳуқуқлари Туриннинг «Ювентус» клубига тегишли бўлган сербиялик марказий ҳужумчи Душан Влахович жамоани эркин агент мақомида тарк этиши мумкин. Томонлар ўртасидаги шартнома июнь ойининг охирида ўз ниҳоясига етади.
«La Gazzetta dello Sport» нашрининг маълумотларига кўра, ҳужумчи Туркия Суперлигасига йўл олиши мумкин, у ерда унинг хизматларига Истанбулнинг «Бешиктош» клуби қизиқиш билдирмоқда. Турк клуби раҳбарияти футболчига йилига беш миллион евро маош кўзда тутилган меҳнат шартномасини таклиф қилишга тайёр.
Туринликлар таркибида Влахович 168 та учрашувда майдонга тушган. Ҳужумчи ўз ҳисобига 68 та гол ва 16 та голли узатмани ёздириб қўйган.
