Fransiya terma jamoasi hujumchisi Kilian Mbappe o‘zining vatandoshi Usmon Dembele haqida o‘z fikri bilan o‘rtoqlashdi.

Jahon chempionati – 2026 doirasidagi Senegalga qarshi dastlabki o‘yindan (3:1) keyin Dembele muxlislar tomonidan tanqidlarga uchragan edi. Iroq bilan bo‘lib o‘tgan oxirgi uchrashuvda (3:0) «Oltin to‘p» sohibi gol urdi va bitta golli uzatmani amalga oshirdi.

«Hammamiz Usmon Dembelening gol urishini xohlagan edik. Biz unga o‘z imkoniyatlarini ko‘rsatishi uchun sharoit yaratib berishimiz kerak edi, u biz uchun juda muhim», — deya Mbappening so‘zlarini keltiradi jurnalist Fabrisio Romano.

Guruh bosqichining so‘nggi turida Fransiya Norvegiya bilan to‘qnash keladi. O‘yin 26 iyun kuni bo‘lib o‘tadi.