FIFA prezidenti Janni Infantino 2026 yilgi jahon chempionatining muvaffaqiyati haqida gapirdi. Turnirning 44 ta o‘yinidan so‘ng stadionlarning o‘rtacha to‘lishlik darajasi 99,6% ni tashkil etdi.
«Bu aql bovar qilmaydigan darajada. Dunyo ilgari ko‘rgan har qanday narsadan muhtashamroq — shunchaki futbol voqeasi emas, balki so‘zning har qanday ma’nosidagi voqeadir. Bu tarixdagi eng muvaffaqiyatli voqelik. Stadionlar to‘la, shaharlar to‘la, atmosfera ajoyib. Ko‘plab oilalar, bolalar, ayollar kelishmoqda, bu haqiqatan ham go‘zal. Stadionlarga kelayotgan barcha muxlislardan juda va juda minnatdorman», — deya Infantinoning so‘zlarini keltiradi FIFA rasmiy sayti.
2026 yilgi jahon chempionati AQSH, Kanada va Meksika maydonlarida 11 iyundan 19 iyulgacha bo‘lib o‘tmoqda. Amaldagi jahon chempioni Argentina terma jamoasi hisoblanadi.
