«Manchester Siti» himoyachisi Ruben Diash faoliyatini Ispaniya La Ligasida davom ettirishi mumkin.

Taniqli jurnalist Mario Kortegananing xabar berishicha, Madridning «Real» klubi portugaliyalik futbolchini o‘z safiga qo‘shib olishga jiddiy qiziqish bildirmoqda. Futbolchining o‘zi ham shu yozda Madrid grandiga ko‘chib o‘tish variantini jiddiy ravishda ko‘rib chiqmoqda. O‘z navbatida, «shaharliklar» rahbariyati himoyachini jamoada saqlab qolish tarafdori.

Ma’lumot uchun, Ruben Diash 2020 yili 71 million yevro evaziga Lissabonning «Benfika» klubidan «Manchester Siti»ga o‘tgan edi. Uning inglizlar bilan amaldagi shartnomasi 2029 yilning 30 iyuniga qadar mo‘ljallangan. Potugliyalik himoyachi yakunlangan 2025/26 yilgi mavsumda «shaharliklar» safida barcha musobaqalarda 33 ta uchrashuvda maydonga tushib, o‘z hisobiga 2 ta gol yozdirib qo‘ydi. Nufuzli Transfermarkt portali futbolchining transfer qiymatini 55 million yevroga baholamoqda.