Yarim himoyachi Arda Gyuler Jahon chempionati — 2026 turnirida Turkiya terma jamoasining gollarini ochib berdi.
Madridning "Real" klubi futbolchisi AQSH terma jamoasiga qarshi kechayotgan guruh bosqichi 3-tur uchrashuvining 10-daqiqasida gol urib, tablodagi hisobni 1:1 ko‘rinishiga keltirdi. Opta bergan ma’lumotlarga ko‘ra, Gyuler 21 yosh-u 120 kunligida mundiallar tarixida Turkiya terma jamoasi safida gol urgan eng yosh futbolchiga aylandi. Arda bu borada JCH-2002 musobaqasida Kosta-Rika darvozasini 21 yosh-u 275 kunligida ishg‘ol etgan Emre Belyozog‘luning rekordini yangiladi.
Eslatib o‘tamiz, Turkiya terma jamoasi dastlabki ikki turda Avstraliya (0:2) va Paragvayga (0:1) imkoniyatni boy berib, JCH-2026 pley-off bosqichiga chiqish imkoniyatidan muddatidan avval mahrum bo‘lgan edi.













