«Inter Mayami» hujumchisi Luis Suares Ispaniya terma jamoasi vingeri Lamin Yamal haqida fikr bildirdi va ushbu futbolchini Lionel Messi bilan solishtirish haqidagi savolga javob berdi.

— Lamin barcha e’tibor unga qaratilganini biladi. Jahon chempionatida ajralib turayotgan ajoyib futbolchilar ko‘p bo‘lsa-da, juda ko‘pchilik aynan Laminni kuzatmoqda. U buni tushunadi va mas’uliyatni o‘z zimmasiga a’lo darajada olmoqda.

— U sizga faoliyatining boshidagi Messini eslatyaptimi?

— Taqqoslash o‘rinsiz. Ular boshqa-boshqa o‘yinchilar. Ha, ikkalasida ham chap oyoq, yuqori mahorat bor, lekin ular turli xil futbolchilar. Natijalarning o‘zi hammasini aytib turibdi. Leo o‘z yoshida nimalarga erishishda davom etayotganiga qarang. Umid qilamizki, Lamin hech bo‘lmaganda o‘sha darajaga yetadi, — dedi Luis Suares.