«Интер Майами» ҳужумчиси Луис Суарес Испания терма жамоаси вингери Ламин Ямал ҳақида фикр билдирди ва ушбу футболчини Лионель Месси билан солиштириш ҳақидаги саволга жавоб берди.

— Ламин барча эътибор унга қаратилганини билади. Жаҳон чемпионатида ажралиб тураётган ажойиб футболчилар кўп бўлса-да, жуда кўпчилик айнан Ламинни кузатмоқда. У буни тушунади ва масъулиятни ўз зиммасига аъло даражада олмоқда.

— У сизга фаолиятининг бошидаги Мессини эслатяптими?

— Таққослаш ўринсиз. Улар бошқа-бошқа ўйинчилар. Ҳа, иккаласида ҳам чап оёқ, юқори маҳорат бор, лекин улар турли хил футболчилар. Натижаларнинг ўзи ҳаммасини айтиб турибди. Лео ўз ёшида нималарга эришишда давом этаётганига қаранг. Умид қиламизки, Ламин ҳеч бўлмаганда ўша даражага етади, — деди Луис Суарес.