«Rayo Valyekano» klubining chap qanot himoyachisi Pep Chavarriya «Chelsi»ning qiziqishlar doirasiga tushib qoldi.

28 yoshli futbolchi «ko‘klar» tomonidan Madridning «Real» klubiga sotib yuborilgan Mark Kukurelyaning ehtimoliy vorisi sifatida ko‘rilmoqda. Insayder Matteo Morettoning xabar berishicha, Chavarriya transferi bo‘yicha dastlabki muzokaralar bo‘lib o‘tgan. Ushbu futbolchining taklif etilishiga londonliklar bosh murabbiyi Xabi Alonsoning shaxsan o‘zi qiziqish bildirmoqda.

Transfermarkt portali Chavarriyaning transfer bahosini 10 million yevroga baholamoqda. Yakunlangan mavsumda lateral «Rayo Valyekano» safida barcha musobaqalarda 44 ta o‘yinda maydonga tushib, 1 ta gol va 3 ta golli uzatmaga mualliflik qildi. Qayd etish lozimki, Pepga da’vogarlar qatorida Leverkuzenning «Bayer» klubi ham tilga olinmoqda.