«Liverpul» klubining markaziy yarim himoyachisi Kyortis Jons Angliya Premyer-ligasining boshqa bir klubiga ko‘chib o‘tishi mumkin.

Insayder Nikolo Skiraning xabar berishicha, 25 yoshli futbolchining xizmatlariga «Nottingem Forest» klubi jiddiy qiziqish bildirmoqda. «O‘rmonchilar» allaqachon mersisaydliklar bilan muzokaralarga kirishgan. Jonsning transferi 35–40 million yevro atrofida baholanmoqda.

Qayd etilishicha, «Nottingem Forest» angliyalik yarim himoyachiga 2031 yilgacha mo‘ljallangan mehnat shartnomasini taklif qilishni rejalashtirmoqda.

Yakunlangan mavsumda Jons barcha musobaqalarni inobatga olgan holda 49 ta uchrashuvda maydonga tushdi. Ushbu davr mobaynida yarim himoyachi 3 ta gol urdi va 3 ta golli uzatmani amalga oshirdi.