Madridning «Real» klubi hujumchisi Vinisius Junior sardorlik bog‘ichiga ega bo‘lishni istamoqda. Braziliyalik futbolchi «qaymoqranglilar» safida anchadan beri — 2018 yildan buyon to‘p surib kelmoqda, shu sababli tez orada jamoaning asosiy sardori bo‘lish maqomiga jiddiy ravishda da’vogarlik qilishi mumkin. Jurnalist Alberto Pereyroning ma’lumotlariga ko‘ra, hujumchi ushbu orzu bilan yashamoqda.
Daniel Karvaxal ketganidan keyin «Real»ning birinchi sardoriga Federiko Valverde aylandi. Vinisius esa ayni paytda jamoaning vise-sardorlaridan biri hisoblanadi.
Shu yilning 12 iyul kuni braziliyalik yulduz 26 yoshni qarshi oladi. Futbolchining «qirollik klubi» bilan amaldagi shartnomasi 2027 yilning o‘rtalariga qadar mo‘ljallangan, biroq yaqin orada u uzaytirilishi mumkin.
