Yosh murabbiy Liam Rosyenyor va «Parij» klubi bo‘lajak hamkorlikning so‘nggi detallarini o‘zaro kelishib olishmoqda. Goal nashri tarqatgan ma’lumotlarga ko‘ra, Fransiya Liga 1 vakili yangi murabbiy kelganini keyingi haftadayoq rasman e’lon qiladi.
Eslatib o‘tamiz, Rosyenyor fransuz futboli bilan juda yaxshi tanish. U 2024–2026 yillar davomida «Strasburg» klubini boshqargan edi. 2026 yilda esa uch oy davomida Londonning «Chelsi» klubiga ustozlik qildi va APLning o‘tgan mavsumi yakuniga bir necha tur qolganida iste’foga chiqarildi.
Kelasi mavsum «Parij» klubi uchun Fransiya elitasidagi ketma-ket ikkinchi mavsum bo‘ladi. Yakunlangan mavsumda jamoa 44 ochko jamg‘arib, turnir jadvalida 11-o‘rinni egalladi. Xavfli hudud — 17-o‘rindan naqd 20 ochkolik katta farq bilan o‘zini saqlab qoldi.
