Ёш мураббий Лиам Росьеньор ва «Париж» клуби бўлажак ҳамкорликнинг сўнгги деталларини ўзаро келишиб олишмоқда. Goal нашри тарқатган маълумотларга кўра, Франция Лига 1 вакили янги мураббий келганини кейинги ҳафтадаёқ расман эълон қилади.
Эслатиб ўтамиз, Росьеньор француз футболи билан жуда яхши таниш. У 2024–2026 йиллар давомида «Страсбург» клубини бошқарган эди. 2026 йилда эса уч ой давомида Лондоннинг «Челси» клубига устозлик қилди ва АПЛнинг ўтган мавсуми якунига бир неча тур қолганида истеъфога чиқарилди.
Келаси мавсум «Париж» клуби учун Франция элитасидаги кетма-кет иккинчи мавсум бўлади. Якунланган мавсумда жамоа 44 очко жамғариб, турнир жадвалида 11-ўринни эгаллади. Хавфли ҳудуд — 17-ўриндан нақд 20 очколик катта фарқ билан ўзини сақлаб қолди.
