Germaniya terma jamoasining sobiq hujumchisi Yurgen Klinsmann nemislarning jahon chempionatidan chiqib ketgani haqida fikr bildirdi.

Yulian Nagelsmann boshchiligidagi jamoa JCH-2026 1/16 finalida Paragvay terma jamoasiga imkoniyatni boy berdi (1:1, penaltilar seriyasida — 3:4).

«Bu tarzda musobaqani tark etganimiz juda katta hafsalapirlikdir. Jamoa 120 daqiqa davomida o‘yinni nazorat qilishga tayyor emasdek tuyuldi. Juda kuchli Paragvay terma jamoasiga qarshi kechgan ushbu jangda g‘alaba qozonish uchun futbolchilarda yetarlicha kuch-quvvat, qat’iyat va agressiya yetishmadi — biz o‘yin qiyin bo‘lishini bilardik. Shuningdek, jamoa penaltilar seriyasiga ham tayyor emasdek ko‘rindi, bu biz uchun shunchaki aqlbovar qilmas holat, chunki odatda biz penaltilar seriyasini yaxshi ko‘ramiz (kuladi).

Bunday mag‘lubiyat ichimizni vayron qildi, bu — sharmandalik. Buni hech kim kutmagandi. Bu to‘rt yil oldin Qatardagi va sakkiz yil oldin Rossiyadagi musobaqadan chiqib ketganimizdek dahshatlidir. Germaniya chuqur chohda, biz hamma narsani batafsil muhokama qilishimiz kerak. Albatta, buning oqibatlari bo‘ladi», — dedi Klinsmann.