Germaniya terma jamoasida jahon chempionati 1/16 finali doirasida Paragvayga qarshi kechgan bahsda oltinchi penaltichini aniqlashda qiyinchiliklar yuzaga kelgan.
Yulian Nagelsmann shogirdlari janubiy amerikaliklarga penaltilar seriyasida imkoniyatni boy berib (1:1, penaltilar bo‘yicha — 3:4), turnirni erta tark etdi. Hal qiluvchi 11 metrlik zarbani Jonatan Ta golga aylantira olmadi.
Bild nashrining yozishicha, penaltilar seriyasi boshlanishidan oldin nemis jamoasining bir nechta futbolchisi 6-bo‘lib zarba berish mas’uliyatidan bosh tortgan. O‘sha vaziyatda maydonda Ta va dastlabki 5 ta zarbani ijro etgan futbolchilardan tashqari quyidagi o‘yinchilar bo‘lgan: Leon Goretska, Valdemar Anton, Nataniel Braun, Malik Tiav, Manuel Noyer.
Qayd etilishicha, bu Jonatan Ta uchun faoliyatidagi ilk penalti zarbasi bo‘lgan.
