Германия терма жамоасида жаҳон чемпионати 1/16 финали доирасида Парагвайга қарши кечган баҳсда олтинчи пенальтичини аниқлашда қийинчиликлар юзага келган.
Юлиан Нагельсманн шогирдлари жанубий америкаликларга пенальтилар сериясида имкониятни бой бериб (1:1, пенальтилар бўйича — 3:4), турнирни эрта тарк этди. Ҳал қилувчи 11 метрлик зарбани Жонатан Та голга айлантира олмади.
Bild нашрининг ёзишича, пенальтилар серияси бошланишидан олдин немис жамоасининг бир нечта футболчиси 6-бўлиб зарба бериш масъулиятидан бош тортган. Ўша вазиятда майдонда Та ва дастлабки 5 та зарбани ижро этган футболчилардан ташқари қуйидаги ўйинчилар бўлган: Леон Горетцка, Вальдемар Антон, Натаниэль Браун, Малик Тиав, Мануэль Нойер.
Қайд этилишича, бу Жонатан Та учун фаолиятидаги илк пенальти зарбаси бўлган.
