«Nyukasl Yunayted» o‘zining rasmiy saytida Angliya terma jamoasi himoyachisi Valentino Livramentoning boldir mushagi jarohatidan keyin tiklanish muddatlari haqida xabar berdi.
Futbolchi avvalroq muvaffaqiyatli operasiya qilingan edi. Uning yangi mavsum oldidan o‘tkaziladigan tayyorgarlik yig‘inlari vaqtida jamoa bilan mashg‘ulotlarga qaytishi kutilmoqda. Eslatib o‘tamiz, himoyachi olgan jarohati tufayli 2026 yilgi jahon chempionatini o‘tkazib yuborishga majbur bo‘ldi.
O‘tgan klub mavsumida Livramento 26 ta uchrashuvda maydonga tushib, bitta golli uzatmani amalga oshirdi. Transfermarkt portali ma’lumotlariga ko‘ra, futbolchining ayni paytdagi bozor qiymati 45 million yevroni tashkil etadi. Himoyachi «Chelsi» klubi tarbiyalanuvchisi hisoblanadi, u kattalar darajasida avvalroq «Sautgempton» sharafini himoya qilgan.
