«Chelsi» «Rayo Valyekano» chap qanot himoyachisi Pep Chavarriya bilan shartnoma imzolashga yaqin turibdi. Insayder Fabrisio Romanoning ma’lum qilishicha, londonliklar 28 yoshli futbolchi bilan shartnoma shartlari bo‘yicha kelishuvga erishgan. Ispaniyalik himoyachi o‘z vatandoshi Xabi Alonso qo‘l ostida «ko‘klar» safida to‘p surishni juda ham xohlamoqda.
«Rayo Valyekano» transferga hali rasman rozilik bermagan bo‘lsa-da, muzokaralar izchil davom etmoqda. Ushbu kelishuv yaqin orada rasmiylashtirilishi mumkin.
Avvalroq bosh murabbiy Xabi Alonso shaxsan Chavarriyani jamoaga olib kelishni talab qilgani haqida xabarlar tarqalgan edi. U katta ehtimol bilan yaqinda Madridning «Real» klubiga ko‘chib o‘tgan Mark Kukurelyaning o‘rnini to‘ldiradi.
