«Rayo Valyekano» himoyachisi Pep Chavarriya faoliyatini katta ehtimol bilan Angliya chempionatida davom ettiradi.

Insayder Fabrisio Romanoning o‘z sahifalarida xabar berishicha, chap qanot himoyachisi Londonning «Chelsi» klubi bilan shaxsiy shartnoma shartlarini kelishib olgan. Klublar o‘rtasidagi muzokaralar hanuz davom etayotgan bo‘lsa-da, transfer yakunlanishga yaqin turibdi.

O‘tgan mavsumda 28 yoshli himoyachi 44 ta uchrashuvda maydonga tushib, 1 ta gol urdi va 3 ta golli uzatmani amalga oshirdi. Uning Ispaniya klubi bilan amaldagi shartnomasi 2030 yilgacha mo‘ljallangan, futbolchining transfer bahosi esa 10 million yevroga baholanmoqda.