«Райо Вальекано» ҳимоячиси Пеп Чаваррия фаолиятини катта эҳтимол билан Англия чемпионатида давом эттиради.
Инсайдер Фабрицио Романонинг ўз саҳифаларида хабар беришича, чап қанот ҳимоячиси Лондоннинг «Челси» клуби билан шахсий шартнома шартларини келишиб олган. Клублар ўртасидаги музокаралар ҳануз давом этаётган бўлса-да, трансфер якунланишга яқин турибди.
Ўтган мавсумда 28 ёшли ҳимоячи 44 та учрашувда майдонга тушиб, 1 та гол урди ва 3 та голли узатмани амалга оширди. Унинг Испания клуби билан амалдаги шартномаси 2030 йилгача мўлжалланган, футболчининг трансфер баҳоси эса 10 миллион еврога баҳоланмоқда.
