«Arsenal» hujum chizig‘ini kuchaytirishni rejalashtirmoqda. London klubining transfer bozoridagi asosiy maqsadi «Aston Villa» a’zosi Morgan Rojers bo‘lib turibdi, biroq birmingemliklar tomonidan belgilangan 130 million funt sterling miqdoridagi narx ushbu kelishuv uchun jiddiy to‘siq bo‘lishi mumkin.
BBC nashrining xabar berishicha, Rodjers transferidagi qiyinchiliklar fonida «Arsenal» shu haftada «PSJ» hujumchisi Bredli Barkolaga bo‘lgan qiziqishini yanada kuchaytiradi. Londonliklar Barkolani shu yozda sotib olish imkoniyati borligi haqida ishora olishgan. «Kanonirlar» ushbu futbolchini anchadan beri kuzatib kelishmoqda.
23 yoshli Bredli Barkola nufuzli Transfermarkt portali mutaxassislari tomonidan 70 million yevroga baholanmoqda.
