«Nyukasl Yunayted» Londonning «Tottenxem» klubiga yarim himoyachi Archi Greyning transferi bo‘yicha rasmiy taklif yubordi. «Shporlar» rad javobini berishdi va o‘z pozisiyalari o‘zgarmasligini ma’lum qilishdi, deb xabar bermoqda insayder Fabrisio Romano.

Manbaning xabariga ko‘ra, klublar ushbu bosqichda kelishuvga erisha olishmadi. «Nyukasl» 20 yoshli ingliz futbolchisiga bo‘lgan qiziqishini saqlab qolmoqda va yozgi transfer oynasida keyinroq yana bir bor urinib ko‘rishi mumkin. «Tottenxem» esa hozircha futbolchi bilan xayrlashish niyatida emas.

Grey 2024 yilning yozida «Lids»dan 41 million yevro evaziga «Tottenxem»ga o‘tgan edi. 2025/2026 yilgi mavsumda u 32 ta o‘yinda maydonga tushib, ikkita gol urdi va uchta golli uzatmani amalga oshirdi. Uning amaldagi shartnomasi 2030 yilning yozigacha mo‘ljallangan.