«Ньюкасл Юнайтед» Лондоннинг «Тоттенхэм» клубига ярим ҳимоячи Арчи Грейнинг трансфери бўйича расмий таклиф юборди. «Шпорлар» рад жавобини беришди ва ўз позициялари ўзгармаслигини маълум қилишди, деб хабар бермоқда инсайдер Фабрицио Романо.
Манбанинг хабарига кўра, клублар ушбу босқичда келишувга эриша олишмади. «Ньюкасл» 20 ёшли инглиз футболчисига бўлган қизиқишини сақлаб қолмоқда ва ёзги трансфер ойнасида кейинроқ яна бир бор уриниб кўриши мумкин. «Тоттенхэм» эса ҳозирча футболчи билан хайрлашиш ниятида эмас.
Грей 2024 йилнинг ёзида «Лидс»дан 41 миллион евро эвазига «Тоттенхэм»га ўтган эди. 2025/2026 йилги мавсумда у 32 та ўйинда майдонга тушиб, иккита гол урди ва учта голли узатмани амалга оширди. Унинг амалдаги шартномаси 2030 йилнинг ёзигача мўлжалланган.
