Belgiya terma jamoasi hujumchisi Romelu Lukaku Jahon chempionatining 1/16 finalida Senegal terma jamoasiga qarshi kechgan bahsdan so‘ng o‘z fikrlarini bildirdi.
Belgiyaliklar asosiy vaqt tugashiga bir necha daqiqa qolganida 0:2 hisobida imkoniyatni boy berayotgan edi, biroq ikkita to‘p kiritib, o‘yinni qo‘shimcha bo‘limlarga olib o‘tishga muvaffaq bo‘lishdi va yakunda 3:2 hisobida g‘alabani ilib ketishdi.
«O‘yin shiddatli o‘tdi, biz bor kuchimizni berdik. Mag‘lub bo‘layotgan edik, ammo xarakter ko‘rsata oldik. Senegal terma jamoasi — musobaqadagi eng yaxshi jamoalardan biri. Lekin biz jamoaviy ruhni namoyish etdik va uchrashuvda g‘alaba qozondik», — dedi Lukaku o‘yindan keyin.
1/8 finalda Belgiya terma jamoasi AQSH — Bosniya va Gersegovina qarama-qarshiligi g‘olibi bilan o‘ynaydi.
