Portugaliya terma jamoasining sobiq yarim himoyachisi Nani jamoa hujumchisi Krishtianu Ronalduning o‘yin uslubi haqida o‘z fikrlari bilan o‘rtoqlashdi.
«Biz tushunishimiz kerak, Braziliyada futbolchilar Neymar uchun yugurishadi. Fransiyada Kilian Mbappe uchun, Argentinada esa Lionel Messi uchun yugurishadi.
Messi maydonda doimo piyoda yuradi, chunki u energiyani tejaydi. U portlovchi futbolchi va maydonning so‘nggi uchdan bir qismida o‘zini eng yaxshi tomonlama ko‘rsatadi.
Ronaldu ham shunday qiladi, u xuddi: “54 metrlik sprint uchun energiyangni sarflama”, degandek bo‘ladi.
Ammo Krishtianu maydonda shunchaki yura olmaydi. U haddan tashqari ko‘p piyoda yurmaydi. Agar himoyachi to‘p bilan uning yonida bo‘lsa, u bu himoyachini qo‘yib yubormaydi. U uning ortidan yuguradi», — dedi Nani.
